Gunnar Garfors er kjent for å ha besøkt alle land i verda. No har globetrottaren pakka sekken for å oppdage eige land og spora opp dei mest unike og undervurderte stadene i Norge. Stader som ikkje nødvendigvis ligg så veldig langt utanfor allfarveg, men der mange av oss suser rett forbi på veg til meir populære reisemål.
Garfors vil opne auga våre for vårt eige vesle land: Større enn til dømes Tyskland, Japan og Filippinane; med 104 byar, 356 kommunar, nesten 1800 fjordar, over 13.000 fjelltoppar i tillegg til 320.000 øyar og skjær. For ikkje å snakke om verdas tredje lengste kystline.
Om forfattaren
Gunnar Garfors (f. 1975) er ein verdskjend globetrottar frå Naustdal der han vaks opp som den eldste i ein søskjenflokk på sju. Reiseverksemda hans inkluderer ei rekkje verdsrekordar, og han har vore intervjua og omtalt av media i over 100 land.
Vinteren 2018 vart sunnfjordingen den første personen som har besøkt alle verdas 198 land to gonger. Opphaveleg er Garfors journalist, med utdanning frå Falmouth i Storbritannia og Oslo. Når han ikkje skriv eller reiser, jobbar han som rådgjevar for NRK i Oslo. Garfors skriv òg om reise for The Guardian og er kjend for reisepodkasten Globusrulett.